Author: Janavali.com

ज्येष्ठ अभिनेते अमोल पालेकर सर आणि फिल्म मेकर- नाटककार संध्या गोखले मॅडम! निमित्त होते ते पालेकर सर आणि गोखले मॅडम यांचे स्नेही आणि आमचे कवी मित्र अजय कांडर सराना त्यांनी दिलेले चहाचे निमंत्रण! मग काय गप्पा…नाटक, सिनेमा,वाचन आणि आजच राजकारण! सत्यवान साटम जानवली

तसा हा कार्यक्रम होऊन खूप दिवस झाले आहेत. मग आजच त्याबद्दल का लिहावेसे वाटले? लहान मूल घराबाहेर जाऊ नये म्हणून दरवाजात लाकडी फळी लावली जाते…च्यायला शब्दांचेही तसेच आहे. डोक्यात किडा वळवळत असतो, पण कसली तरी अज्ञात फळी आडवी येते, मग शब्द अडतात. आता मात्र फळी ओलांडून शब्द अखेर बाहेर आलेत. तर म्हाराजा, ही कथा आहे सावंतवाडीतील मडकईकरांची. मालवणी कवितेतील ही “दादा”गिरी आहे आणि सिंधुदुर्ग जिल्ह्यातील कुठल्याच राजकीय पक्षाची याबद्दल कसलीही तक्रार नाही. दादा यांच्या ‘सुरंगेचो वळेसार’ या मालवणी कविता संग्रहाचे दणकेबाज प्रकाशन सांस्कृतिक कार्य मंत्री आशिष शेलार यांच्या हस्ते मुंबईत…